ເງື່ອນໄຂການໃຊ້ບໍລິການ

1. ບໍລິການນີ້ຮັບອີເມວຢ່າງດຽວ

MyBox ຮັບອີເມວເຂົ້າຢ່າງດຽວ. ທ່ານຈະສົ່ງອອກ ຫຼື ຕອບກັບຈາກທີ່ຢູ່ @mybox.la ບໍ່ໄດ້ ແລະ ບໍ່ມີແຜນຈະເປີດໃຫ້ສົ່ງໃນອະນາຄົດ.

ລະບົບຂອງພວກເຮົາປະກາດຕໍ່ເຄືອຂ່າຍອິນເຕີເນັດວ່າ mybox.la ບໍ່ສົ່ງອີເມວອອກ. ໝາຍຄວາມວ່າ ຖ້າມີໃຜແອບອ້າງໃຊ້ຊື່ທ່ານສົ່ງອີເມວ ປາຍທາງຈະປະຕິເສດທັນທີ.

2. ຢ່າໃຊ້ເປັນອີເມວຫຼັກ

ຢ່າຜູກທີ່ຢູ່ MyBox ກັບບັນຊີທະນາຄານ, ເອກະສານລັດຖະການ, ບັນຊີບໍລິສັດ ຫຼື ສິ່ງໃດກໍຕາມທີ່ທ່ານເສຍບໍ່ໄດ້.

ເຫດຜົນງ່າຍໆ: ທ່ານຕອບກັບບໍ່ໄດ້. ເມື່ອບັນຊີສຳຄັນຕ້ອງການໃຫ້ຢືນຢັນທາງອີເມວ ຫຼື ຕ້ອງກູ້ລະຫັດຜ່ານຄືນ ທ່ານຈະຕິດຢູ່ທາງຕັນ.

MyBox ເໝາະກັບ: ການສະໝັກແອັບ, ການຊື້ເຄື່ອງອອນລາຍ, ລະຫັດ OTP, ໃບຮັບເງິນ ແລະ ຂ່າວສານໂປຣໂມຊັ່ນ — ສິ່ງທີ່ບໍ່ຢາກໃຫ້ມາປົນກັບອີເມວຫຼັກຂອງທ່ານ.

3. ຂໍ້ຄວາມຢູ່ໄດ້ 90 ວັນ

ຂໍ້ຄວາມຈະຖືກລຶບອັດຕະໂນມັດ ຫຼັງຈາກ 90 ວັນ ນັບແຕ່ວັນທີ່ໄດ້ຮັບ. ຂໍ້ຄວາມທີ່ທ່ານປັກໝຸດໄວ້ຈະບໍ່ຖືກລຶບ.

ນີ້ບໍ່ແມ່ນບ່ອນເກັບເອກະສານຖາວອນ. ຖ້າມີສິ່ງໃດສຳຄັນ ໃຫ້ດາວໂຫຼດເກັບໄວ້ເອງ.

4. ທີ່ຢູ່ຂອງທ່ານ

ໜຶ່ງບັນຊີ ໄດ້ໜຶ່ງທີ່ຢູ່ ແລະ ປ່ຽນພາຍຫຼັງບໍ່ໄດ້. ກະລຸນາເລືອກໃຫ້ດີ.

ທີ່ຢູ່ບາງຊື່ ເຊັ່ນ admin, support, postmaster ແລະ ຊື່ທີ່ອາດເຮັດໃຫ້ຄົນອື່ນເຂົ້າໃຈຜິດວ່າເປັນທາງການ ພວກເຮົາສະຫງວນໄວ້ ບໍ່ໃຫ້ຈົດ.

ຖ້າບັນຊີຖືກປິດ ທີ່ຢູ່ນັ້ນຈະບໍ່ຖືກນຳກັບມາໃຊ້ໃໝ່ຢ່າງເດັດຂາດ — ເພື່ອບໍ່ໃຫ້ຄົນອື່ນໄດ້ຮັບອີເມວເກົ່າຂອງທ່ານ.

5. ການນຳໃຊ້ທີ່ບໍ່ອະນຸຍາດ

ຫ້າມໃຊ້ MyBox ເພື່ອການຫຼອກລວງ, ການແອບອ້າງເປັນບຸກຄົນ ຫຼື ອົງກອນອື່ນ, ການກະທຳທີ່ຜິດກົດໝາຍ ຫຼື ການສ້າງບັນຊີຈຳນວນຫຼາຍເພື່ອຫຼົບລ້ຽງລະບົບ.

ພວກເຮົາອາດລະງັບ ຫຼື ປິດບັນຊີທີ່ລະເມີດຂໍ້ນີ້.

6. ການບໍລິການ ແລະ ຄວາມຮັບຜິດຊອບ

ພວກເຮົາພະຍາຍາມໃຫ້ບໍລິການເຮັດວຽກໄດ້ດີ ແຕ່ຮັບປະກັນບໍ່ໄດ້ວ່າຈະບໍ່ມີຂັດຂ້ອງ ຫຼື ທຸກຂໍ້ຄວາມຈະມາຮອດຄົບຖ້ວນ.

ອີເມວບາງສະບັບອາດຖືກຈັດເປັນຂີ້ເຫຍື້ອ ຫຼື ມາຊ້າ ດ້ວຍເຫດຜົນທີ່ຢູ່ນອກການຄວບຄຸມຂອງພວກເຮົາ.

ດ້ວຍເຫດນີ້ ຈຶ່ງຂໍຍ້ຳອີກເທື່ອໜຶ່ງວ່າ ຢ່າໃຊ້ MyBox ກັບສິ່ງທີ່ສຳຄັນຕໍ່ຊີວິດປະຈຳວັນຂອງທ່ານ.

7. ການປ່ຽນແປງ ແລະ ການຕິດຕໍ່

ຖ້າມີການປ່ຽນແປງເງື່ອນໄຂທີ່ເປັນສາລະສຳຄັນ ພວກເຮົາຈະແຈ້ງໃຫ້ທ່ານຮູ້ຜ່ານແອັບ.

ມີຄຳຖາມ ຫຼື ຕ້ອງການໃຫ້ລຶບຂໍ້ມູນ ຕິດຕໍ່ຜ່ານຊ່ອງທາງບໍລິການລູກຄ້າຂອງ LOCA.