ນະໂຍບາຍຄວາມເປັນສ່ວນຕົວ

ຂໍ້ມູນທີ່ພວກເຮົາເກັບ

ຈາກ LOCA: ລະຫັດລູກຄ້າຂອງທ່ານ, ຊື່ ແລະ ນາມສະກຸນ (ທ່ານແກ້ໄຂໄດ້ຕອນລົງທະບຽນ), ເບີໂທລະສັບ ແລະ ພາສາທີ່ທ່ານໃຊ້. ເບີໂທຈະອັບເດດຕາມ LOCA ທຸກຄັ້ງທີ່ທ່ານເຂົ້າໃຊ້ ແລະ ໃຊ້ເພື່ອຢືນຢັນວ່າແມ່ນທ່ານແທ້ ເມື່ອທ່ານຕິດຕໍ່ຂໍຄວາມຊ່ວຍເຫຼືອ. ພວກເຮົາບໍ່ໄດ້ຮັບຂໍ້ມູນການເງິນໃດໆຂອງທ່ານຈາກ LOCA.

ຈາກອີເມວທີ່ເຂົ້າມາ: ຜູ້ສົ່ງ, ຫົວຂໍ້, ເນື້ອໃນ, ໄຟລ໌ແນບ ແລະ ເວລາທີ່ໄດ້ຮັບ.

ຈາກການໃຊ້ງານ: ອຸປະກອນທີ່ເຂົ້າສູ່ລະບົບ ແລະ ເວລາເຂົ້າໃຊ້ລ່າສຸດ ເພື່ອໃຫ້ທ່ານກວດເບິ່ງ ແລະ ອອກຈາກລະບົບໄດ້ດ້ວຍຕົນເອງ.

ລະຫັດ OTP

ເມື່ອມີອີເມວທີ່ມີລະຫັດຢືນຢັນເຂົ້າມາ ລະບົບຈະດຶງລະຫັດນັ້ນອອກມາສະແດງໜ້າກ່ອງຈົດໝາຍ ເພື່ອໃຫ້ທ່ານກັອບປີ້ໄດ້ໄວ.

ການດຶງລະຫັດເຮັດດ້ວຍລະບົບອັດຕະໂນມັດພາຍໃນເຊີບເວີຂອງພວກເຮົາເທົ່ານັ້ນ ບໍ່ໄດ້ສົ່ງໄປໃຫ້ບໍລິການພາຍນອກ ແລະ ບໍ່ມີພະນັກງານຄົນໃດເຫັນ.

ພະນັກງານເຫັນຫຍັງໄດ້ແດ່

ພະນັກງານຂອງພວກເຮົາ ເຫັນໄດ້ພຽງແຕ່: ທີ່ຢູ່ອີເມວ, ຊື່, ເບີໂທ, ວັນທີ່ສ້າງບັນຊີ, ສະຖານະບັນຊີ ແລະ ຈຳນວນຂໍ້ຄວາມ.

ເບີໂທສະແດງແບບປິດໄວ້ບາງສ່ວນ. ພະນັກງານຈະເບິ່ງເບີເຕັມໄດ້ກໍຕໍ່ເມື່ອກົດຂໍເບິ່ງເທື່ອລະບັນຊີ ແລະ ທຸກຄັ້ງທີ່ເບິ່ງ ຈະຖືກບັນທຶກໄວ້ວ່າແມ່ນໃຜ ແລະ ເວລາໃດ.

ພະນັກງານ ເບິ່ງເນື້ອໃນອີເມວຂອງທ່ານບໍ່ໄດ້ — ບໍ່ເຫັນຫົວຂໍ້, ບໍ່ເຫັນເນື້ອໃນ, ບໍ່ເຫັນລະຫັດ OTP ແລະ ບໍ່ເຫັນຊື່ຜູ້ສົ່ງ. ຂໍ້ນີ້ບັງຄັບໄວ້ໃນລະບົບໂດຍກົງ ບໍ່ແມ່ນພຽງແຕ່ເປັນກົດລະບຽບພາຍໃນ.

ທຸກການກະທຳຂອງພະນັກງານຖືກບັນທຶກໄວ້ເປັນຫຼັກຖານ.

ເກັບໄວ້ດົນປານໃດ

ຂໍ້ຄວາມ: 90 ວັນ ຫຼັງຈາກນັ້ນຖືກລຶບອັດຕະໂນມັດ. ຂໍ້ຄວາມທີ່ປັກໝຸດໄວ້ຈະຖືກເກັບຕໍ່.

ອຸປະກອນທີ່ເຂົ້າສູ່ລະບົບ: 30 ວັນ ນັບແຕ່ການໃຊ້ງານຄັ້ງລ່າສຸດ.

ຂໍ້ມູນບັນຊີ: ເກັບໄວ້ຕາບໃດທີ່ບັນຊີຍັງເປີດຢູ່.

ພວກເຮົາບໍ່ເຮັດຫຍັງແດ່

ບໍ່ຂາຍຂໍ້ມູນຂອງທ່ານ ແລະ ບໍ່ໃຫ້ນັກໂຄສະນານຳໃຊ້.

ບໍ່ອ່ານອີເມວຂອງທ່ານເພື່ອເຮັດໂຄສະນາ.

ບໍ່ມີໂຄສະນາຢູ່ໃນ MyBox.

ການແຈ້ງເຕືອນ

ເມື່ອມີອີເມວໃໝ່ ພວກເຮົາສົ່ງການແຈ້ງເຕືອນຜ່ານແອັບ LOCA. ການແຈ້ງເຕືອນນັ້ນມີຫົວຂໍ້ອີເມວຢູ່ນຳ ດັ່ງນັ້ນມັນຈະສະແດງຢູ່ໜ້າຈໍລັອກຂອງທ່ານ.

ສິດຂອງທ່ານ

ທ່ານລຶບຂໍ້ຄວາມໃດກໍໄດ້ດ້ວຍຕົນເອງ ແລະ ດາວໂຫຼດເກັບໄວ້ກ່ອນລຶບກໍໄດ້.

ທ່ານສາມາດອອກຈາກລະບົບໃນອຸປະກອນໃດໜຶ່ງ ຫຼື ທຸກອຸປະກອນພ້ອມກັນ ໄດ້ໃນໜ້າຕັ້ງຄ່າ.

ຢາກໃຫ້ລຶບບັນຊີ ແລະ ຂໍ້ມູນທັງໝົດ ຕິດຕໍ່ຜ່ານບໍລິການລູກຄ້າຂອງ LOCA.

ຂໍ້ມູນເກັບໄວ້ໃສ

ຂໍ້ມູນເກັບໄວ້ໃນລະບົບຄາວດ໌ຂອງ Cloudflare ເຊິ່ງມີເຊີບເວີຢູ່ຫຼາຍປະເທດ. ຂໍ້ມູນຖືກເຂົ້າລະຫັດໃນເວລາສົ່ງ ແລະ ໃນເວລາຈັດເກັບ.